Исполнета со историја и митологија, Атина е главен град на Грција. Атина град посветен на божицата Атина по која и го добила името а која со векови била негова заштитничка. Оваа, денес повеќемилионска метропола, од своето постоење доживеала подеми и падови како малку кој мегаполис во светот. За историјата на човештвото е посебно значајна затоа што во неа се поставени основите на парламентарната демократија и слободните избори. Модерна Атина е космополитски град кој што живее од славата на својата историја а старогрчката Атина била моќна држава и познат образовно филозофски центар. Ја нарекуваат и колевка на западната цивилизација, заради нејзиниот културен придонес во текот на 4ти и 5ти век...и денес во Атина постојат антички градби и уметнички дела од тој период, а секако најпознат е Акропол, признаен како еден од најдобрите примери на класичната грчка архитектура и уметност. Древна Атина владеела со светот и покажала како треба да се разберат цивилизациите, уметноста, културат, науката... Нејзината Академија ги дала најдобрите филозофи на Антиката, чии мисли и денес се цитираат и чии дела и денес се читаат... Нејзините уметници Фидије и Поликлет, и денес се слават како великани на скулптурата и уметноста... Политичката Атинска школа и денес е активна, исто како и името на Перикле, творецот на демократијата и владетел во периодот на Златното доба... Ако ја запознаете вистински внатрешноста на Атина, ќе уживате во еден од најатрактивните и чудесни Европски градови. На прв поглед, градот личи на џунгла од бетон и сеуште страда од напади на ужасен смог. Историскиот центар, главните знаменитости и местата за забава, собрани на едно место ја претвораат Атина во одлично место за посета. Од премногуте знаменитости издвојуваме само дел кои би требало да се посетат: Акропол Византискиот музеј Театарот на Дионис Олимписки стадион Статуа на Зевс - Храмот на Зевс Квартот Монастираки Плоштадот Синтагма Плоштадот Омонија Предградието Кифисија Пристаништето во Пиреја и многу други знаменитиости